Un home natural de Cáceres foi investigado pola garda Civil do posto do Milladoiro, xunto co Equipo Roca do corpo en Ferrol, como presunto autor dunha estafa da modalidade da estampa. O pasado mes de abril, no mesmo Milladoiro, o investigado e mais unha muller estafaron 700 euros a unha persoa de 82 anos.
Durante a investigación, a Garda Civil axudouse de cámaras de vídeo que gravaron os lugares próximos para identificar os autores. Estas persoas trasladábanse ata Galicia para levaren a cabo estes actos delictivos dificultando a posterior identificación. As dilixencias instruídas remitíronse ao Xulgado de Garda de Santiago de Compostela.
