A I Feira do Monte “Tanto Monte, Monte Tanto” foi un éxito

204

Mostras de cogomelos, colmeas e instrumentos de apicultura e de pequenos froitos e cereais que se poden cultivar no monte, presenza de artesáns da cestería e da madeira, degustacións de cogomelos, froitos do bosque e aceites constituíron a oferta de “Monte Tanto, Tanto Monte”, a I Feira do Monte que, organizada pola concellaría de Medio Ambiente, celebrouse na parroquia de Trasmonte o pasado sábado, 23 de outubro. A Feira, que naceu coa intención de valorizar e dar importancia á diversidade do monte e de amosar a gran variedade de produtos que obtemos del, recibiu ao longo de todo o día un gran número de visitantes.