O alcalde de Ames e concelleiro de Obras, Blas García, xunto cos concelleiros de Urbanismo e Rural, Víctor Fernández e Santiago Márquez, visitaron o proxecto de reurbanización que se está levando a cabo en Horta de Abaixo, en Bertamiráns. O proxecto, no que se investiu preto de 270.000 euros, está incluído no plan POS 2021 da Deputación da Coruña, e servirá para mellorar o estado e a accesibilidade do espazo público.
O obxectivo do proxecto, adxudicado no primeiro trimestre de 2022, é mellorar a accesibilidade destas rúas, facendo que poidan ser ocupadas e utilizadas por todas as persoas, independentemente da súa condición e do seu nivel de mobilidade, ademais de mellorar o estado e a funcionalidade dos espazos comúns públicos.
