A unidade móbil de doazón de sangue estará o mércores 7, o xoves 8 e o venres 9 de xullo en Bertamiráns, na avenida da Maía, diante da praza da Maía. O horario será de tarde os días 7 e 8, de 15.30 a 21.00 horas. O venres 9 situarase no mesmo lugar en horario mañá, de 09:30 a 14.30 horas. Por mor da pandemia da Covid-19, e para regular a afluencia de doantes e evitar esperas, é necesario solicitar cita previa chamando ao número de teléfono 900 100 828.
Os hospitais galegos precisan 10.000 doazóns de sangue cada mes. Todos os días o precisan moitas persoas que son sometidas a intervencións cirúrxicas, que sufriron accidentes de tráfico ou laborais, que padecen anemias, hemorraxias, cancro, leucemia, transplantes de órganos… Cada día, os hospitais galegos precisan entre 400 e 500 doazóns de sangue.
Para doar sangue, hai que ter polo menos 18 anos e pesar como mínimo 50 quilogramos. Cómpre deixar pasar dúas horas logo de ter consumido alimentos. Á hora de achegarse á unidade móbil, hai que levar a tarxeta de doazón, DNI ou documento similar. Débese informar ao médico presente se se está a tomar algún medicamento.
