O uso de vehículos privados de forma compartida entre persoas non conviventes é posible sempre que todas as persoas que viaxen fagan uso da máscara facial en todo momento. Así llo confirmou á Alcaldía a Consellería de Sanidade a petición de Ames Novo. O concelleiro deste grupo Quique Costas sinalou que trasladaron esa pregunta porque existían dúbidas sobre esta posibilidade “que afecta, por exemplo, a persoas que recollen ou levan crianzas conxuntamente coas súas á escola ou actividades, e a persoas que comparten vehículo para os desprazamentos ao traballo”.
