O pasado 30 de agosto comezaron as obras da rede de pluviais na Travesía de Fontaldeiro e da Agra. Esta actuación ten coma obxectivo canalizar a gran cantidade de auga que se concentra en momentos de elevada pluviosidade, podendo provocar danos no propio pavimento das rúas e nas vivendas próximas, así como situacións de perigo para a seguridade viaria.
O alcalde de Ames, Blas García, visitou os traballos que ademais dunha mellora na rede de pluviais da zona inclúe a apertura dun novo tramo de vía pública. Esta obra foi adxudicada á empresa Excavaciones y Obras Marcos SL e conta cun orzamento de execución por contrata de 174.050 euros.
