As bibliotecas municipais de Ames inician o mes do libro cun novo encontro literario. Nesta ocasión presentarase o libro “As malas mulleres” de Marilar Aleixandre. Será no Pazo da Peregrina de Bertamiráns este mércores 12 de abril, ás 20:00 horas. A autora estará acompañada por María López Sández, Académica da RAG, autora e profesora universitaria. Presenta o acto a concelleira de Cultura, Natividade González.
A novela que acadou o Premio Blanco Amor de novela en 2020 e o Premio Nacional de Narrativa en 2022 é, ademais, un canto ao papel dos libros e da lectura na mellora da vida das persoas.
Actividades das Biliotecas de Ames en “Abril, mes do libro”
