Festimax trouxo a Ames preto de 1.000 afeccionados á maxia

142

As Casas da Cultura de Bertamiráns e do Milladoiro volveron ser protagonistas un ano máis do Festival internacional de Maxia “Festimax”, unha das citas máis características do outono amesán, que se celebrou os días 21, 22 e 23 de outubro. O evento, que reuniu a preto de 1.000 persoas, estivo cargado de humor, sorpresas e ilusionismo. A veciñanza amesá puido desfrutar ao longo de tres xornadas dos espectáculos e obradoiros de magos galegos e internacionais. Este ano, como novidade, incluíuse unha gala con novos talentos do mundo da maxia, para o que se esgotaron as entradas.