Mañá comeza a vacinación de maiores de 80 anos na área sanitaria

0
92
Nieves Cabo Vidal recibe a segunda dose da vacina contra a covid-19 que comeza a dispensarse na residencia de maiores Porta do Camiño de Santiago de Compostela. 17 de xaneiro de 2021

A Área Sanitaria de Santiago de Compostela e Barbanza realiza mañá a xornada piloto da vacinación fronte á covid a maiores de 80 anos de Galicia. Nesta semana, un equipo de 10 traballadores de servizos xerais e un coordinador empezaron a contactar con máis de 34.000 octoxenarios que restan por vacinar na área sanitaria compostelá, e que se sumarán aos máis de 3.000 maiores de máis de 80 anos xa vacinados nas residencias sociosanitarias.

Así, mañá están citadas 569 persoas en 8 puntos de vacinación para administrarlles a vacina contra a covid.

O persoal de enfermería dos 8 equipos de vacinación da área desprazaranse, a partir do luns e de xeito paulatino, aos 16 puntos de vacinación nos que ata o venres da próxima semana citaranse a uns 5.500 usuarios maiores de 80 anos.

DEJA UNA RESPUESTA

Please enter your comment!
Please enter your name here