O campionato, que se celebrou na cafetaría da Casa da Cultura de Bertamiráns, desenvolveuse entre o 3 de novembro e o 15 de decembro
O pasado venres, 12 de xaneiro, entregáronse os premios do campionato municipal de tute, no que participaron un total de 12 parellas. O alcalde de Ames e concelleiro de Deportes, José Miñones, entregoulle o correspondente trofeo ás tres mellores parellas do campionato. O acto de entrega celebrouse na Casa da Cultura de Bertamiráns. O campionato forma parte da programación deportiva anual que desenvolve o Concello de Ames.
O tute é un dos xogos de cartas con máis tradición en Galicia. Son moitos os que sentan arredor dunha mesa para pasar un anaco de tempo entretido xogando a este xogo de cartas. Por iso, desde o Concello de Ames, a través da concellaría de Deportes, organízase, anualmente, un campionato de tute. O campionato, que se celebra na cafetaría da Casa da Cultura de Bertamiráns, desenvolveuse entre o 3 de novembro e o 15 de decembro. Este ano, participaron no campionato un total de 12 parellas.
As partidas disputáronse dous días á semana, os mércores e os venres. A parella campioa foi a formada por Javier Ajeitos e Ramón Recioy. A segunda mellor parella estivo composta por Isabel Barreiro e Jaime. José Luís Blanco e Francisco Pérez foron os que acadaron a terceira posición deste campionato de tute.
