Próximas obras de saneamento na parroquia de Trasmonte

266

 O Concello de Ames anunciou hoxe a adxudicación do 
do proxecto de saneamento nos lugares de Suevos e Sorribas, na parroquia de Trasmonte. En ambos casos, daráselle continuidade á rede de saneamento existente. Así, no lugar de Suevos ampliarase a rede de saneamento en 260 metros, cun total de 11 pozos de rexistro. No lugar de Sorribas, pola súa banda, está previsto ampliar en 755 metros a rede de saneamento cun total de 22 pozos de rexistro. Todos os colectores proxéctanse en PVC e instalarase cos seus pozos de rexistro correspondentes.

Dende o comezo do estado de alarma, o Concello optou polas mesas de contratación de xeito telemático, de cara a poder seguir cos procedementos que se atopaban nalgunha das fases de contratación. Hoxe en día estanse tramitando arredor de 40 expedientes de obras ou servizos. 

O Goberno municipal cre “imprescindible” seguir tramitando os procedementos de contratación en beneficio da “reactivación da economía que será tan necesaria”.