O xornalista Fernando Franjo protagoniza esta semana o segundo encontro literario do mes de outubro do departamento de Bibliotecas de Ames. Neste curso 2022-2023, xa pasaron polos encontros das bibliotecas Xosé Manoel Núñez Seixas, Eduardo Estévez, Diego Rojo e Krzysztof Powałka. A seguinte cita será co escritor Alfredo Conde, o xoves 4 de novembro.
“Memorias do Café Derby (1929-2020)” busca recoller parte da historia e da alma dun dos establecementos máis emblemáticos da cidade de Santiago. Ao longo de case un século de vida pasaron polo grandes figuras como Valle-Inclán, Cunqueiro, Ramón Piñeiro, Carlos Casares, Evita Perón, ou Federico García Lorca. O traballo inclúe unha serie de 130 fotografías e documentos, así como testemuños de varias xeracións protagonistas dos inesquecibles faladoiros do Derby, e analiza ademais o valioso e singular patrimonio decorativo e artístico do local.
No acto intervirán Xosé Antonio López Silva, autor, investigador e crítico, e a concelleira de Cultura, Natividade González.
