A área sanitaria de Santiago sitúase nos 884 casos confirmados de coronavirus nos últimos datos da Xunta, fronte aos 871 de onte. Trátase do segundo menor incremento no que levamos de mes. O día 1 había 581 casos confirmados e dende aquela teñen aumentado en máis de 300 en seis días, polo que o dato diario de hoxe é moderadamente optimista.
No resto de Galicia, a Xunta sinala 117 casos na área da Coruña, a máis afectada, e 1094 na de Vigo. Logo da Coruña e Vigo, é Ourense, con 999 casos, a máis afectada. Hai 563 casos na de Lugo, 466 en Pontevedra e 312 na de Ferrol. Dos pacientes ingresados, hai 162 pacientes na UCI e 910 a maiores hospitalizados. Máis de 4.300 pacientes son atendidos no domicilio. Polo de agora, en Galicia rexistráronse 688 altas de pacientes e morreron 208 persoas. Fixéronse máis de 32.000 probas entre a poboación.
