O de Treixadura será o primeiro concerto dos dous que se van a celebrar neste mes de xullo
Este venres, 7 de xullo, o grupo Treixadura estará no Milladoiro. O concerto será ás 22:00 horas no aparcadoiro da Travesía do Porto. Esa noite o grupo estará presentando o seu novo traballo Treixadura, 25 anos. Vendima tarda.
O grupo Treixadura estará o próximo venres, 7 de xullo, no Milladoiro, onde presentará o seu novo traballo Treixadura, 25 anos. Vendima tarda. Con este novo traballo (que resume a súa extensa carreira e recolle, asemade, algunhas pezas inéditas), o grupo celebra 25 anos de traxectoria artística. O concerto será ás 22:00 horas no aparcadoiro da Travesía do Porto.
Treixadura é hoxe un dos grupos fundamentais da música tradicional galega. Creado en Redondela en 1990, o álbum Treixadura, 25 anos. Vendima tarda é o seu sexto traballo. Un traballo co que o grupo quere compartir co público o poder e a forza evocadora, máxica e reconfortante do canto colectivo; enlazando a raíz musical da cultura galega co xeito de entender hoxe a música tradicional.
O de Treixadura será o primeiro concerto dos dous que se van a celebrar neste mes de xullo. O vindeiro día 14 de xullo, ás 22:00 horas, no Pazo da Peregrina, tamén estará Guadi Galego presentando o seu novo disco, O mundo está parado. Un traballo cheo de sensibilidade, intensidade e calidade, que conta coa colaboración de músicos como Abe Rábade, Santi Cribeiro, Anxo Pintos e Karlos Abal.
