Un mozo de 23 años de idade faleceu hoxe pola mañá tras ser atropelado polo seu propio vehículo, ao fallar o freno de man. O suceso tivo lugar ás 8:30, ao intentar deter o seu coche, despois de ter estacionado e baixado do mesmo, mentres este caía por unha pendente.
O 112 Galicia tivo coñecemento dos feitos a través de Urxencias Sanitarias de Galicia-061, pasados uns minutos dos feitos. Nada máis recibir a alerta do accidente, os xestores do CIAE 112 Galicia pasaron o aviso aos Bombeiros de Boiro e de Santiago de Compostela, á Policía Local e ao GES de Brión. Ademais, ata o lugar acudiron tamén os membros da Agrupación de Voluntarios de Protección Civil de Ames. Unha vez no lugar do accidente, os servizos sanitarios desprazados tan só puideron confirmar o falecemento da persoa atropelada.