O PP di que dous carrís en Rosalía de Castro é volver ao pasado e prexudica a outras parroquias

67

Para os populares de Ames, a Xunta, con moito criterio, presenta un recurso a un proxecto ó que xa o Partido Popular de

Ames, con Oliva Agra á cabeza, amosou un rexeitamento absoluto desde o principio porque

pensa que será volver ós anos 80 en vez de avanzar cara ó futuro.

Pensar en que a arteria principal do Milladoiro volva a ter só un carril de baixada e outro de

subida é un regreso a hai trinta anos aínda que co agravante de que o volume de tráfico que

existe na actualidade en nada se parece ó daquela época.

As consecuencias son fáciles de imaxinar. Tanto os coches como os camións, e incluso

autobuses, buscarán outras vías de escape para non verse atrapados no Milladoiro e eso

afectará a outras aldeas de Ames, e incluso de Santiago ou Teo, que non teñen as estradas

preparadas para iso e que non deben ver interrumpida a súa tranquilidade polas ocurrencias

dun alcalde que impón o seu proxecto polas bravas. E non debemos de pasar por alto os

problemas que se poden xerar nos momentos que teñan que pasar os vehículos de emerxencia

como ambulancias e bombeiros.

A Xunta remitiu ó Ministerio de Transportes, Movilidad y Agenda Urbana o requerimento

previo á vía contenciosa administrativa na que xa anunciou que se personará. É moi sinxelo. O

alcalde actuou como sempre. El fai e desfai. Pero desta volta falta a información e publicidade

do proxecto e o estudio das alternativas para desviar o tráfico. Porque ese desvío pola AG-56

que vai a Brión e polo corredor Pardiñas-Galanas tamén afecta ás arcas públicas con un coste

estimado de 1,6 millóns de euros ó ano, que subiría ata os 2,2 millóns durante as obras.

E aproveitando que as eleccións están cerca xa dí que a actuación da Xunta é para buscar votos

no Milladoiro. Nada máis lonxe. O que ten que facer o alcalde, que por certo goberna en

minoría con só oito concelleiros dos 21 da Corporación, é escoitar un pouco máis e impoñer un

pouco menos. A Xunta exerce o seu dereito e conta co respaldo do PP de Ames para que non

se leve a cabo unha actuación que sería un desastre para o Milladoiro e os seus veciños e para

outras aldeas de Ames que con esta humanización teñen moito que perder.

Para humanizar o Milladoiro habería antes que acometer outras solucións tendentes a aliviar o

tráfico do principal núcleo do Concello. Pero o máis fácil para alcalde e inventar unha mal

chamada humanización, valorada en 4,4 millóns de euros, sin pensar para nada nin nas

conseciencias nin na veciñanza.