A investigación, bautizada como Operación BROKENPHONE, púxose en marcha en xaneiro deste ano tras a denuncia da vítima no Posto de Milladoiro. A muller recibiu unha mensaxe de texto no que
supostamente o seu fillo pedíalle axuda económica urxente debido a problemas co seu teléfono móbil. Conmovida pola situación, a vítima estableceu unha conversación por WhatsApp con quen cría que era o seu fillo, quen lle explicou que necesitaba diñeiro para resolver diversas situacións urxentes, como o pago de débedas ficticias e a reposición do teléfono danado.
Tras unha serie de transferencias bancarias por un total de 5.500 euros, a vítima decatouse de que fora enganada e decidiu denunciar os feitos ás autoridades. O Equipo @ Milladoiro, especializado en ciberdelincuencia, tomou o caso e, tras unha exhaustiva análise da información solicitada e a colaboración do Equipo@cadiz, lograron identificar e investigar aos responsables da estafa.
Descubriuse que os estafadores, todos eles membros dunha mesma familia e residentes en Algodonales (Cádiz), empregaran unha técnica sofisticada para gañarse a confianza da vítima antes de solicitarlle
axuda económica. Esta práctica, coñecida como o timo do “fillo en apuros”, é unha forma común de fraude na que os estafadores se fan pasar por familiares da vítima para obter diñeiro baixo falsas pretensións.
As dilixencias resultantes da investigación foron remitidas ao Xulgado de Garda de Santiago de Compostela para continuar co proceso legal correspondente.
A Garda Civil advirte á cidadanía sobre a importancia de manter a cautela ante este tipo de situacións e de verificar sempre a identidade dos solicitantes de axuda antes de realizar calquera transacción económica, especialmente a través de medios electrónicos.
Lola Amado, portavoz da Comandancia da Garda Civl da Coruña explica en que consiste o timo do fillo en apertos.
