Os emprendedores teñen unha cita o vindeiro día 16 no coworking A proa do Milladoiro. Este día terá lugar o obradoiro “Mínima legal viable”, sobre os elementos esenciais que todo emprendedor debe coñecer, así como os matices necesarios para que un proxecto empresarial cumpra coas esixencias legais. Impártea o avogado José Sendín. Será ás 12 do mediodía. A entrada é de balde, só hai que inscribirse nesta ligazón.
O evento correrá a cargo de José Sendín Rodríguez, avogado de Sistemius, un bufete especializado no dereito das novas tecnoloxías. Sendín adicou a súa carreira profesional ao asesoramento legal ás empresas con base tecnolóxica, elaborando contratos de desenvolvemento de software e redactando as súas licenzas; así como auditando páxinas web e acordos de confidencialidade, sempre co obxectivo de facer máis comprensible o sistema legal.
